Tifel makakk, suldat qalbieni u principessa kapriccuza huma whud mill-karattri li se tiltaqa’ maghhom f’din is-sensiela li tigbor fiha l-hrejjef favoriti tieghek! Iftah il-ktieb u ntilef f’dawn il-grajjiet mimlijin magija u avventura!

Meta tliet qzieqez jitilqu mid-dar, jahsbu li se jghixu hajja libera u komda. Ghalhekk, kull wiehed minnhom jibni dar ghalih. Izda meta jdeffes denbu l-lupu l-kattiv, jaghmlilhom hajjithom difficli.

GHAL DIK li hi skola Pietru Pitravu ma kienx aħjar mill-ħmar ta’ Wiżu għax l-istudju qatt ma ried jaf bih.  Iżda meta jiġi għal xi bawxataminn tiegħu kien iħaddem rasu daqs avukat.  Ma tantx kien iħaddem rasu daqs avukat.  Ma tantx kien iħobb iħalliha ħelwa għal melħa u, jekk tħabbatha miegħu aktarx li kont tmur minn taħt.

Il-praspar ta’ Pietru Pitravu kienu ta’ sikwit iħarbtu l-paċi tan-nies tar-raħal kif ukoll t’ommu u missieru.  L-għalliem tiegħu u s-Surmast ta’ l-iskola ġieli tħabblu wkoll fit-taħwid tiegħu.  Iżda bosta drabi oħra Pietru kien jispiċċa moqli b’żejtu.  Dan ġara meta, ngħidu aħna, kiseb għalih innifsu t-Titlu ta’ Ħmar… jew meta mar jaqta’ l-lewż mis-siġar ta’ Kola l-bidwi u kellu xi jgħid mal-bodbod aħrax li kien hemm fl-għalqa.

Ojnki l-qażquż kellu problema biex jiftakar il-ġranet tal-ġimgħa.

B’din l-istorja kollox isir eħfef.

Iċ-ċkejkna Stella kellha rabta speċjali ma’ missierha. Minbarra li kienet tħobbu ħafna, kienet ukoll tammirah għat-talent li kellu fit-tpinġija.

Stella bdiet tinnota li l-papà tagħha kien kemxejn differenti minn dawk tal-ħbieb tagħha. Madanakollu, għal Stella, dan xejn ma kien jimporta. L-aktar ħaġa importanti għal Stella kienet l-imħabba ta’ bejniethom u li kien verament bravissimu…minkejja li differenti.

Bis-sehem tal-Aġenzija Nazzjonali tal-Litteriżmu

Mastru Gerfex hu bla dubju l-iktar bniedem popolari f’Hal Busbies. Malli ghalaq is-sittin waqaf mix-xoghol u beda bil-praspar. U xi praspar! Il-barumbati li jaghmel minn jum ghal jum ma jitwemmnux. U kienu sewwasew dawn il-praspar goffi li kisbulu t-titlu eccellenti ta’ Mastru Gerfex. Kien hemm min qal li mohh ix-xwejjah hfieflu bix-xjuhija, waqt li ohrajn xerrduha li rasu tkun spiss iddur bl-inbid li jixrob. Jien ma nafx min minnhom ghandu ragun, u mhix haga kbira li ghandhom bicca ragun kull wiehed. Li naf zgur hu li f’Hal Busbies in-nies kollha jhobbu u jiggostaw lil Mastru Gerfex ghall-praspar li jaghmel. Insomma, mhux in-nies kollha kollha jiggostawh! Is-Surgent Sacco, nghidu ahna, ma jistax jarah impingi, ghax mhux l-ewwel darba li thabbel fix-xibka tal-praspar tieghu. Anzi jhossu cert li l-inkwiet kollu li jinqala’ f’Hal Busbies hu dejjem htija ta’ Mastru Gerfex … u tal-kelb tieghu Ferfex. Ohrajn ghadhom sal-lum ma jafux kif jaqbdu jiktbu x-xwejjah … ghax xi drabi jilghabha tal-ikbar imbecilli fir-rahal kollu, u drabi ohra jhaddem rasu daqs l-iprem avukat. L-ahjar hu li taqraw il-praspar tieghu u tiggudikaw intom.

F’post imbiegħed hemm re inkwetat, prinċipessa kapriċċuża u kokka kemxejn imqarqċa. Dawn it-tlieta bejniethom, bil-karattri u l-personalitajiet tagħhom, isibu ruħhom f’kobba mħabbla ambjentata f’kastell meraviljuż.

Kif tista’ tiddejjaq jekk tgħix f’kastell mgħammar minn kollox, servut u indukrat bl-aqwa mod? Però, mhux kulħadd jaħsibha l-istess!

Hawn min m’għandux sabar u jispiċċa jidħol bejn il-basla u qoxritha f’avventura liema bħalha. Kif jgħidu, mitt bniedem mitt fehma!