…tax-xagħra li qridna,
u s-siġar li ħraqna,
tas-sħab li niġġisna,
u l-mewġ li dardarna;
tal-bhejjem imqattgħa,
u t-tfal li weġġajna,
tat-trabi li qtilna,
u l-kliem li ħammiġna
mhux biżżejjed
id-demm ta’ ġisimna.

“Tafu li omm it-tifel tiġri mal-irġiel?” staqsa s-Surmast. “Tafu li missieru ma kienx missieru?”
“U qatt ħsibtu xi jħoss tifel żgħir meta turih xbieha ta’ raġel imċaflas bid-demm, nofsu għarwien, bix-xewk iċarratlu l-ġilda ta’ rasu, u msammar ma’ salib?”
“Tafu kemm kellu l-wied u l-ħarrub għal qalbu qabel bnew kullimkien vilel?” staqsa mġħaddab wara ftit.
L-oħrajn iċċassaw iħarsu lejh.
“Għalhekk ġera d-demm,” qalilhom. “Għalhekk!”

Kitba ta’ Paul P. Borg

Arturo Caruana
Assattat minn Charles B. Spiteri

Alfredo Eduardo Borg
Addattat minn Charles B. Spiteri

Alexia Xuereb Diacono

Qtil doppju gewwa sqaq mudlam.
Krista, tfajla orfni li ghaddiet minn trawma. Tiftakar biss maskra sewda li hija l-kagun ta’ hafna holm ikrah li jikkundizzjonalha hajjitha. Minn età tenera jkollha titrabba f’istitut. Tul hajjitha tiltaqa’ ma’ hafna ostakli, imma madanakollu xorta tibqa’ determinata li ssib il-qattiel. Tghid se jirnexxilha?
Sister Matilda, persuna li lesta taghti hajjitha ghat-tfal tal-istitut.

Il-Maskarat, min-naha l-ohra, idur u jhuf fid-dlamijiet tal-lejl. Kriminal jew ragel twajjeb? Ragel li jasal ghal kollox, zgur li ahjar tkun qed tahdem favorih milli kontrih.
Xi darba jew ohra l-hajjiet ta’ dawn l-individwi se jiltaqghu, u min jaf minn kemm esperjenzi jridu jghaddu flimkien. Misteri, drama u romanticizmu.
Min hu l-Maskarat? X’kien hemm wara dak il-qtil?

Kitba ta’ Anton Sammut

Kitba ta’ Sharon Calleja

Kitba ta’ Monica Gatt

Victor trabba b’għożża f’familja reliġjuża fi żmien meta r-reliġjon kellha dominanza fi mħuħ il-Maltin. Is-sittinijiet kienu żminijiet partikolari… il-kwistjoni poltiko-reliġjuża, l-indipendenza u l-qawmien taż-żgħażagħ fil-moda, il-mużika fost l-oħrajn. Victor inbidel minn tifel dieħel u ħiereġ il-knisja għal ġuvni fuq ruħu, imqareb f’għajnejn bosta.

Il-fittaġni ta’ Dun Saver u ta’ missieru biex jippruvaw iżommuh fl-istil ta’ ħajja li kienu jafu huma joħloq ribelljoni f’Victor li twasslu jaħrab minn Malta ma’ ħabibu Salvu. Id-destinazzjoni tagħhom… l-Ingilterra. Bl-għajnuna ta’ baħri, li kien jaħdem ma’ bastiment merkantili, jirnexxilhom jidħlu fil-pajjiż b’mod illegali u jispiċċaw jaħdmu fir-restorant tas-Sur Young fl-akkwati ta’ Westminster.

Hawn jiltaqa’ ma’ Carol, tfajla sabiħa, bint u l-mimmi t’għajnejn is-sid tal-post. Victor u Carol jinġibdu lejn xulxin b’mod istantanju. Iżda Victor kien maħrub minn pajjiżu, mingħajr wisq skola filwaqt li Carol kienet tfajla intelliġenti u dħulija u kienet qed tistudja biex tidħol l-Università.

Din ir-relazzjoni ħolqot problema għal missieha… waqt li Victor kien dejjem jagħmel ta’ rasu.

Sander ossessjonat fuq Fiona, tfajla l-ġmiel tagħha. Il-ħin kollu jhewden fuqha, jitkellem dwarha u jaħtaf kull opportunità li tiġih biex jiltaqa’ magħha.

Darba fost l-oħrajn, f’kaxxa tal-għodda, jintlemħu par ingwanti u mus imċappsin bid-demm, u biċċa minn ġiżirana. Fiona tinstab mejta.

Il-mewt ta’ Fiona jħarbat lil diversi persuni, fosthom lil Sander innifsu; lil Victor Berk, ħabib antik ta’ Fiona, li kienet togħġbu ħafna; lill-Avukat Rennie Debono, il-maħbub l-aktar riċenti ta’ Fiona; u fuq kollox lill-Ispettur Gili, li jibda jinvestiga l-każ ta’ Fiona bir-reqqa…